Oksigensiz Mis və Alüminium çubuqlar

“ÇIRAQ İNŞAAT” MMC şirkəti Azərbaycanın bütün bölgələrinə öz istehsalı olan Mis və Alüminium çubuqların və hazır bükümlərin topdan sərfəli alışını təklif edir.
Oksigensiz Mis və Alüminium çubuğun üstünlükləri:
1. Mis və Alüminium məftilin sabit kimyəvi tərkibi və yüksək elektrik keçiriciliyi
2. Aşağı oksigen tərkibi və qaz məsaməliliyinin olmaması bu materiallarda çatlama riskini minimuma endirir
3. Elektrik enerjisi ilə işləyən avadanlıqların iş performansının yüksək olmasınına zəmanət verir

Alüminium və Mis çubuqların istehsalı

“ÇIRAQ İNŞAAT” MMC-nin kabel zavodunda istehsal olunan oksigensiz mis (alüminium) məftil (mis və alüminium çubuq) yüksək texnoloji xüsusiyyətlərə malikdir. Bu materiallar kabel və elektrik məhsullarının istehsalı üçün istifadə olunur. Misdə və alüminumda oksigen birləşmələrinin olmaması, ”Dartma” əməliyyatı zamanı qopmanı aradan qaldırmağa və 0,5-0.75 mm diametrli nazik tel əldə etməyə imkan verir. Oksigensiz məftil çubuqlar 0,5 – 0.75 mm diametrli naqilləri fasiləsiz və yüksək sürətlə emal edilir ki, bu da öz növbəsində istehsal xərclərini azaldır.

Bütün müştərilərə çevik əməkdaşlıq şərtləri və fərdi yanaşma

İstehsalda müasir standartlara cavab verən materiallarından istifadə edilir

Laboratoriya şəraitində xammalın daxil olmasına və istehsalın hər mərhələsində ölçmələrə nəzarət

Anbarda məhsul mövcudluğu. Sifariş üçün istehsal müddəti 5 gündən

Ünvana təhlükəsiz və sürətli çatdırılma

Sifarişlərin vaxtında çatdırılması üçün 24/7 xidmətinizdəyik

Mis – İstehsaldan tədarükçiyə

Mis mədən hasilatından son istehlakçılara çatana qədər bir neçə emal mərhələsindən keçir. Mis tərkibli filizdən konsentrata, konsentratdan qarışıq tərkibli misə (blister misə) və nəhayət, emalın son məhsullarına - katod və elektrotexniki mis cubuqlara cevrilmə prosesindən keçir. Oradan kabel istehsalına və digər ehtiyac olan sahələrə yönləndirilir.

Mİs tərkibli flizlər

Mis tərkibli filizlər bir neçə mərhələli üyüdülmə prosesindən keçir. İlk növbədə böyük ölşülü flizlər əzilərək kiçildilir. Sonra isə kiçildilmiş hissələr lazımı ölçülərə qədər bir daha üyüdülür.
Növbəti mərhələdə flotasiya prosesi başlayır: mis mineralları flotasiya maşınında qanqdan (tərkibində mis mineralı olmayan tullantılardan) ayrılır. Flotasiya maşınına əlavə edilən Reagent filiz hissəciklərini isladır, lakin tullantı süxurunu islatmır. Filiz hissəcikləri və flotasiya reagentini qarışdırdıqdan sonra süspansiyon əmələ gəlir. Daha sonra maşına hava verilir. Hava qabarcıqları qiymətli filiz hissəcikləri ilə birlikdə üzür. Yaranan pulpa 60-65% (Pulpa su ilə incə üyüdülmüş (1-0,5 mm-dən kiçik) mineralların qarışığı) bərk maddələrdən ibarət bir vəziyyətə qədər qatılaşdırılır və sonra filtrasiyaya göndərilir. Quma bənzəyən və tərkibində 16%-30% mis olan zənginləşdirilmiş konsentrat metallurgiya zavoduna növbəti emal prosesinə göndərilir.

Blister mis

Mis konsentratından yüksək mis tərkibli ara məhsul olan blister mis aşağıdakı kimi istehsal olunur. Birincisi, mis konsentratlarının sobada avtogen əriməsi baş verir. Bu yolla, sobada artıq 50% mis ehtiva edən və şlakdan ayrılan bir qarışıq (smes) əmələ gəlir. Daha sonra bu qarışıqdan kükürdün çıxarılması prosesi baş verir. Əritmə sobasının tərkibindəki qarışıq qazsızlaşdırmanın baş verdiyi çökmə sobasına axır. Çirklər şlak şəklində səthə çıxır, daha ağır blister mis isə dibə çökür. Çökmə sobasından qara misi (blister misi) qəliblərə yerləşdirirlər. Blister misdə faktiki mis miqdarı 98-99%-ə çatır.

Rafinə edilmiş mis

Təmizlənməmiş mis metallurgiya emalının son məhsulu olmamışdan əvvəl blister mis iki mərhələli emal prosesindən keçir.
1 ci mərhələ.
Blister misin əridilərək (Yuxarıda qeyd edildiyi kimi) və elektrolitik emalı.

2 ci mərhələ.
Son mərhələ elektrolitik emaldır ki, nəticədə elektrotexnika sənayesinin tələblərinə cavab verən yüksək təmizlikli mis (99,90-99,97%) və təmiz ərintilər istehsal olunur. Elektrolitik emal prosesində həmçinin blister misdən qiymətli və nadir metallar çıxarılır. Nəticədə Katodlu mis hazır mis məhsulları, o cümlədən mis çubuq istehsalı üçün xammal kimi xidmət edir.

Elektrolitik emal prosesi

Bu seçim çıxışda faktiki olaraq təmiz məhsul əldə etməyə imkan verir. Təmizləmə üçün eni təxminən 70-90 sm və uzunluğu 70-100 sm olan lövhələr şəklində anodlar istifadə olunur. Anodların qalınlığı adətən 3 ilə 5 sm arasındadır. Katod kimi saf misdən hazırlanmış nazik katod təbəqələri istifadə olunur. Onların qalınlığı 4 ilə 6 mm arasında ola bilər.
Elektroliz vannaları adətən düzbucaqlı formada olur və adətən dəmir-betondan hazırlanır. Bu vannaların daxili turşuya davamlı materiallarla örtülmüşdür (bu qurğuşun, vinil plastik və s. ola bilər). Elektrolit kimi CuSO4 və H2SO4-ün sulu məhlulu istifadə olunur.
Mis təmizlənməyə başlayanda anod (qara mis) tədricən azalır, artıq çirklər qismən çöküntü kimi vannanın dibinə çökür və bəziləri elektrolitdə həll olunur. Bu zaman ``təmiz`` mis, həcmi getdikcə artan katodda toplanır.
Təmizlənmiş mis, sonrakı emal üçün mis elektrik çubuqlar və mis külçələr şəklində istehsal etmək üçün istifadə olunur.

Mis və Alüminium bükümlər

Elektrik kabellərinin istehsal prosesində istifadə edilən və enerjinin ötürülməsini təmin edən 5-ci sinif, çevik keçirici hazır mis bükümlərin aşağıda qeyd edilən ölçülərini, bizdən sifariş edə bilərsiniz. En kəsik sahəsi 0.5 mm² -dən 240 mm², daha böyük en kəsik sahəli bükümləri isə fərdi olaraq sifariş əsasında hazırlanacaq.

-5%